De lütten Saurier

Text/Musik: Heri Friese

 

Ik kann mi goot erinnern – ik weet noch wie dat weer,

an de School mit söventeihn Kinner – un dat Plögen mit de Peer,

an den Kroog bi uns in Dörpen – Willi Sellmers Stuvenlad´n,

dat all´ns is nu verschwunnen – in ni maal dörtig Johr´n.

 

REFRAIN

Ni lang her – un all vergeten. – meist verschwunnen mit de Tied,

un so mancheen nimmt ´n beten – op sien Weg nach baven mit.

Ni lang her – un all vergeten – wat noch güstern Tokunft weer,

un mit jeedeen starvt ´n beten – wenn he sliekt vun düsse Eer.

 

Un Omas bunter Kittel – mien Unkels graue Mütz,

Tante Emmas oler Nachtopp – miene korte Ledderbüx,

Opas langes wittes Nachhemd – un de Stumpen in sien Snuut,

dat sünd de Lüttensaurier – se starven liesen ut.

 

Ik weet noch wo wi seten – in dat Schiethus ohne Licht,

inne Zinkwann´ güng wi bad´n – jümmers Sünnabends, dat weer Plicht,

Heini Langes geelet Moped – Pot un Pan keem mit sien Wag´n,

dat all´ns is nu verschwunnen – still un liesen, mit de Johr´n.